Munur á milli breytinga „Fjallahópur“

Útgáfa síðunnar 19. janúar 2016 kl. 22:49

Fjallahópur er breiður og fjölbreyttur hópur áhugafólks um utanbæjarútivist hverskonar, allt frá tjaldferðalögum til skíðamennsku til háfjallaklifurs. Markmið Fjallahópsfólks er að bæta sig og viðhalda þekkingu á öllum helstu þáttum fjallamennsku með það að markmiði að gera meðlimi hópsins betur búna undir leitar- og björgunaraðgerðir til fjalla.

Dagskrá hópsins er því fjölbreytt auk þess sem, eðli hópsins samkvæmt, hann er vettvangur fyrir skipulag ferða.

Helstu áhersluþættir

Björgunaraðgerðir á fjalli

Þekkja ferli, búnað og kerfi í fjallabjörgun (brattbjörgun og félagabjörgun) og geta unnið með hóp að uppsetningu og stuðningi við brattbjörgunarkerfi, þ.m.t. tryggingar.

Aðgerðir á jökli

Þekkja helstu öryggisþætti er varða ferðalög á jökli, hvort sem ferðast eru með stórum hóp eða ekki s.s. leiðaval, línuuppsetningu og sprungubjörgun.

Vera tilbúin til leitar á jökli, bæði grófleit (mikil yfirferð) og fínleit (svelgsig) þ.m.t. tryggingar og línuvinna.

Leit í brattlendi

Geta unnið sjálfstætt og í hóp við erfiðar aðstæður á fjalli. Geta metið eigin getu með tilliti til aðstæðna og verkefna (rötun, sig og júmm).

Geta lagt mat á snjóflóðahættu. Geta sett upp og yfirfarið snjó- og bergtryggingar. Færni til að ganga á broddum.

Björgun

Geta búið um sjúkling í allar börutegundir, og aðstoðað við flutning, hvort sem er í línutrygginginum eða í burði. Þekkja vinnulag við þyrlu.

Öryggi

Geta borið mat á líkamlegt ástand sitt og ferðafélaga, sérstaklega með tilliti til kals, þreytu og ofkælingar, og brugðist við með viðeigandi hætti. Þekkja eigin búnað og geta búið um sár, skurði og helstu brotáverka (á fjalli).

Viðburðir á vegum hópsins

• Fjall mánaðarins
• Gengið á jökli (ca. nóvember)
• Skálagönguferð (ca. janúar)
• Jómfrúarferðin (stöðumat N1 í fjallamennsku að vori)

Dagskrá vorið 2016

Þessu til viðbótar var skipuð Ævintýranefnd þeim Þór Blöndahl, Magnúsi Blöndal og Siggu „Gúsí“ Guðmunds.

Kvöldæfing, Fjallahópsviðburður, Kvöld fjallsins, Aðrir áhugaverðir viðburðir

Búnaður hópsins

• Hálflína fjólublá
• Hálflína sægræn
• Heillína græn A
• Heillína græn B

• 10m? 8mm bomba
• 3x 8mm prússiklykkjur

• Hnetusett (1-?)
• Rakkur
• Vinir (?-?)

• Taska, Marmot stór